2013年度克钦军医学院毕业典礼

2013年度克钦军医学院毕业典礼
2013 Ning Hpyen Tsi Jawng Yu Hpawng Galaw

 

Category: Shiga

Published Date

Written by knet

 

 

 

2013 ning July (20) ya jahpawt hkying (10:00)am aten, Wunpawng Mungdan Shanglawt Asuya a masing kata, 2013 ning hpyen tsi jawng yu hpawng lamang hpe Laiza, Woi Chyai Mung Shawa Tsi Rung Wang, Wunjat Gawknu hta galaw sai lam chye lu ai.

 

Zuphpawng hpu-awn Sara Wun Lakang Yaw Han lit la nna, Sara La Sang Tu San akyu hpyi ai hte hpawng hpaw ai lam chye lu ai.

 

Zuphpawng hta Tsi Matsun Up Du Kaba Lanye Dau Hkawng kaw nna tsi sara/num nnan ni hpe numhtet ga tsun nna, Hpyen Awn Du Up Daju Nwang Hkang Awng Seng La kaw nna tsi sara/num nnan ni hpe magam bungli galaw sa wa ai hta Mung Shawa nga mu nga mai lam hpe galoi mung myit dum rai nna galaw sa wa ra ai lam, amyu kaba myit, Magam myit, amyu kaba lailen hte bungli gunhpai sa wa ra ai lam hpe shatsam mungga jaw ai.

 

Ndai hpawng hta Tsi Sara/num nnan ni tsi magam hte seng ai ga shaka la ai lam, Tsi Jawng awng lakmak hte tsi jawng yu lakmak shagrau ai lam, ningtawn ai jawngma ni hpe kumhpa shagrau jaw ai lam chye lu ai.

 

Hpyen Tsi Jawng awng lakmak jaw ai hta ningpawt ninghpang tsi hpaji hpe sharin awng la lu ai marai (66) rai nna, Nursing Diploma jawng yu ai marai (7) re lam chye lu ai.

 

Dai ni jawng yu la lu sai ningpawt ninghpang tsi hpaji sharin ladaw hpe 2013 February shata kaw na sharin hpang ai re lam, Nursing Diploma jawng hpe gaw sharin ladaw (1) ning mi masat ai rai nna 2012 ning July kaw na sharin ya ai re lam chye lu ai.

 

 

2013 ning hpyen tsi jawng yu na jawngma ni 

 

 

nursing diploma jawng yu jawng ma ni

 

 

Sharin Sara ni hte ningpawng ninghpang hpyen tsi jawng yu jawngma ni 

 

< Prev